MAGOSTO

No C. P. I. de Pontecesures celebramos hoxe o magosto. Tivemos clase antes do recreo e recibimos unha sorpresa moi agradable: a visita da nosa mestra de 3 e 4 anos.Tróuxonos un riquísimo biscoito que comemos rápidamente entre todos. Estes días estivemos traballando a emoción: "botar de menos" e cando a mestra de 5 anos nos preguntou a quen botabamos de menos cada un, respondemos un nome diferente. Pero cando nos preguntou a quen botabamos de menos todos xuntos; nenos, nenas  e mestra contestamos: ¡ A BERENA!. Así que ningunha sorpresa podería ser mellor.  

 

 

Despois do recreo comemos as sabrosas castañas asadas e disfrutamos xogando á castaña por detrás..., ao "pañuelo" e ao pasimisí.

MOITAS GRAZAS, BERENA, POLO RICO BISCOITO E POR COMPARTIR ESTE DÍA CON NÓS.